I’ve been meaning to write a post explaining why i have been away for a while.. but now I could answer this tag and just move on with the new posts.. hehe
Thanks Roba! 
هل أنت راض عن المدونة شكلا و موضوعا
شكلا بصراحة لأ! كنت عم احاول اعدل على ثيم تاني بس اكتشفت انو انا “سلامتك” بتلبيق الألوان والأشكال.. فحطيت ثيم عادي لحتى اشوف شو بدي اعمل بهداك!
أما موضوعا فانا راضية عن مدونتي.. بس بحس لازم اكتب اكتر.. مليان مواضيغ بالدرافتس حابة اكملها وانشرها..
هل تعلم أسرتك الصغيرة بأمر مدونتك؟
طبعا… بس بابا و ماما وحتى عماد مو كتير بيفتحو! وأشك اذا عصام كمان بيفتحو! 
هل تجد حرجا في أن تخبر صديقا عن مدونتك؟ هل تعتبره أمرا خاصا بك
لا حرجا ولا اشي… اصدقائي الصدوقين زهقوا قد ما بحكيلهم عن “مدونتي” وعن جوردان بلانيت .. بس الأصدقاء العديين اذا ما صار في حديث بالموضوع ما بيخطر ببالي احكيلهم
هل تسببت المدونات بتغيير ايجابي لأفكارك؟ أعطي مثالا في حالة الإجابة بنعم
كتيييييييير… خصوصاً بأول ايام الجامعة.. التعليقات يلي وصلتني وقتها كتير كانت محمسة ومفرحة.. و كمان النصائح يلي اعطتني اياها خالدة عن الكتب يلي بتحكي عن التماشي مع التغييرات كانت كتير مفيدة… شكرا خالدة
هل تكتفي بفتح صفحات من يعقبون بردود في مدونتك أم تسعى لاكتشاف المزيد
والله حسب الفضاوة.. اوقات يا دوب بس بفتح وبلقي نظرة.. واوقات بحب ابدا اقرأ وهيك..
ماذا يعني لك عداد الزوار ؟ و هل تهتم بوضعه في مدونتك؟
بصراحة ما بعرف وين بيكون محطوط عدد الزوار.. وما بحب يكون منشور بمدونتي لأنو العبرة مو بأكم حدا فتح مدونتي.. العبرة بأكم حدا قرأ
هل حاولت تخيل شكل أصدقائك المدونين؟
معظم المدونين على جوردان بلانيت بعرف اشكالهم من الأجتماعات.. بس ولا مرة صرت اتخيل كيف شكل الناس يلي ما بيحضرو الأجتماعات!
هل ترى فائدة حقيقية للتدوين؟
اكيد! انا صرت اعتبر المدونات المصدر الأساسي لآخر الأخبار لأني ما بحب الصحف والجرايد.. وكمان تجارب المدونين الشخصية كتير اوقات بتكون مفيدة الي
هل تشعر أن مجتمع التدوين مجتمع منفصل عن العالم المحيط بك أم متفاعل مع أحدا
متصل.. متصل كتير كمان
هل يزعجك وجود نقد بمدونتك أم تشعر أنه ظاهرة صحية؟
ما صار معي حالات انتقدت فيها.. بس اذا كان النقد بموضهه.. وبناء..ليه لأ؟
هل تخاف من بعض المدونات السياسية و تتحاشاها؟ هل صدمك اعتقال بعض المدونين
صدمني اعتقال بعض المدونين! انو مش هيك يا جماعة طولو بالكم! الزلمة بيعبر عن رأيه!
هل فكرت في مصير مدونتك في حال وفاتك؟
لأ طبعا!!! بس بتخيل بخلي حدا ينشر كل الدرافتس و ينشر خبر موتي على مدونتي واتضل زي ما هي هلأ
من تشعر أنه يشبهك من المدونين؟
ما حدا!
تحب تسمع إيه؟
انا قاعدة عم اسمع بهاي اللحظة Jewel- Standing Still
أكتب أسماء خمسة مدونين ليقوموا بهذا الاستقصاء بعدك
ما بحب افرض ع حدا يعمل التاغ متل هيك.. فأي حدا بحب يعملو من بعدي اهلا و سهلا
